Home » Feja Islame

Etiketë: Feja Islame

Scoop.it WordPress.com

12 vepra që nuk e prishin agjërimin

Sot
gjendemi në ditën e parë të Muajit të Ramazanit. Mbarë botën, miliona
myslimanë i përkushtohen këtij riti fetar i cili zgjat për një muaj. Dhe
shpeshherë ekzistojnë disa dilema rreth asaj se çfarë mund ta prish
agjërimin. Këto janë 12 vepra që nuk ua prishin agjërimin:

1. Të ngrënët, të pirët dhe marrëdhëniet seksuale me harresë

2. Të vjellët pa provokim: Kjo bazohet në hadithin e përmendur më lart.

3. Futja e pluhurit, grimcave të rërës apo e ndonjë insekti pa dashje në stomak:
Dihet që është shumë e vështirë që njeriu të ruhet prej këtyre gjërave.
Gjithashtu në këtë logjikë futet edhe mbajtja e ndonjë sendi në gojë,
si laps, gomë apo ndonjë gjë tjetër, por me kusht që të mos ketë shije,
ngjyrë apo erë që arrin në fyt.

4. Përdorimi i misvakut (shkopit pastrues të dhëmbëve) nuk e prish agjërimin

5. Përdorimi i gjilpërave jo ushqyese për trupin, të cilat vendosen në damar ose në mish:
Kjo gjë nuk e prish agjërimin për arsye sepse nuk konsiderohet si
ushqyes për trupin. Në këtë pjesë si shembull mund të përmendim kurimin
me ilaçe mbi plagë të ndryshme, edhe në qoftë se ilaçi arrin të
depërtojë në brendësi të trupit. Nuk duhet harruar se transfuzioni i
gjakut dhe serumi e prishin agjërimin, pasi janë ushqyese për trupin e
njeriut.

6. Përcjellja e pështymës ose e ushqimit që ndodhet ndërmjet dhëmbëve, nëse është shumë pak.

7. Futja e ujit në gojë, me kusht që të mos shkojë në fyt: Kjo ndodh kur marrim abdest apo kur shpëlajmë gojën për shkak të vapës. Lejohet gjithashtu edhe larja e trupit për freskim etj.

8. Puthja e gruas, prekja, përqafimi etj. Kjo vlenë për ato raste kur njeriu e kontrollon veten

9. Ai që ha, pi ose bën diçka tjetër nga ato gjëra që e prishin agjërimin me mendimin se akoma nuk ka filluar dita e agjërimit. Ky person nuk e ka prishur agjërimin, pasi origjina është vazhdimi i natës dhe dyshimi i tij nuk merret në konsideratë.

10. Provimi i shijes së ushqimit me majën e gjuhës nuk e prish atë.

11. Larja e dhëmbëve, me kusht që pasta e dhëmbëve mos ta kalojë fytin.

12. Shkulja e dhëmbëve ose kurimi i tyre, në qoftë se lëndët e përdorura nga mjeku nuk arrijnë në fyt.

Reklama

Jemi të kënaqur me…

Nga përmendja e Mëngjesit është:
Redijtu bil-lahi rabben ve bil-islami dinen ve bi Muhammedin sal-lall-llahu alejhi ve sel-leme nebijja. (tre herë)

Jemi të kënaqur me Allahun si sundimtar, me Islamin si fê dhe
Muhammedin – bekimi dhe mëshira e Allahut qoftë me te – si pejgamber dhe
i dërguar!
(Thotë i dërguari alejhi selam: kush e thotë këtë tre
herë në mëngjes dhe tre herë në mbrëmje, Allahu do ta kënaqë në Ditën e
Gjykimit)

Burimi: Senad Ramadani

 

Shiko gjeje veten në njërin nga këto shtatë grupe:

Shiko gjeje veten në njërin nga këto shtatë grupe:
Muhamedi
alejhi selam ka thënë: “ Janë shtatë grupe që Allahu do t’i fusë në
Hijen e Arshit të Tij në Ditën e Gjykimit, ditë në të cilën nuk do të
ketë hije tjetër veç Hijes së Tij:
1. Udhëheqësi i drejtë,
2. I riu që është rritur duke adhuruar Allahun e Plotfuqishëm,
3. Njeriu që zemrën e tij e ka lidhur me xhaminë,
4. Dy njerëz të cilët janë dashur për hir të Allahut, që janë takuar për këtë dhe janë ndarë për këtë,
5. Ai djalë që është thirrur nga një grua e bukur dhe me pozitë (për të
kryer marrëdhënie me të ), por thotë: ‘I frikësohem Allahut’,
6. Personi që jep për bamirësi dhe e fsheh, saqë dora e tij e majtë nuk e di se çfarë jep e djathta dhe
7. Personi që e kujton Allahun në vetmi dhe sytë e tij lotojnë”.
(Buhariu dhe Muslimi)

Burimi: Senad Ramadani

I mençuri nuk dëgjon fjalët e njerëzve për njerëz ngase…

“I mençuri nuk dëgjon fjalët e njerëzve për njerëz ngase gjoksi i tij është më i ngushtë sesa të durojë urrejtjen e të gjithëve. I Dërguari i Allahut, s.a.v.s, ka thënë: “Mos të më lajmërojë askush për dikë gjë (që shkakton armiqësi) ngase unë dua të dal gjoksgjerë.”
Et Turejfi

Filani ka deviju

Filani ka deviju.

Kjo ndodh për shkak të njërës nga dy gjërat:
1- Nuk ka kërku nga Allahu ta forcojë në ketë rrugë. Duke menduar se vet ja arrin këtij qëllimi.

2- Ose nuk e ka falënderu Allahun për atë mirësi që kishte. Duke mendu se kjo mirësi është aftësi personale.
(Shejh Bin Bazi)

Burimi: Lulzim Susuri

RREGULLAT E REJA TË KOMUNIKACIONIT

1. Lidhu me rripin e devotshmërisë.
2. Ec në rrugën e të devotshmëve.
3. Zbato Kur’anin dhe Sunetin e Resulullahut.
4. Kujdes nga kthesat e nefsit dhe të epsheve.
5. Largoju gropave të shejtanit.
6. Bëj kujdes për atë që shkruajnë dy melekët e tu.
7. Mos harro bagazhin e vdekjes.
8. Komisioni i varrit.
9. Paramendo në çdo moment pikën e kontrollit, e cila quhet “Ahiret”.

Përshtati: Hoxhë Valdet Kamberi

JETA ME ALLAHUN KA SHIJE TJETËR!

1. Ec përpara dhe mos e rrit zërin, shiu është ai që i rrit lulet, e jo bubullima!
2. Shpirtrat më të mirë janë ato që nuk i mohojnë të mirat edhe përskaj mospajtimeve!

3. Distanca nuk e afron dhe nuk e largon askënd.. zemrat janë ato që e bëjnë atë!

4. Abdullah ibën Mesudi, Allahu qoftë i kënaqur me të, tha: Përgjatë
qëndrimit tënd në namaz ti troket në derën e Mbretit, dhe ai që troket
në derën e Mbretit, atij i hapet”.
5. Dynjaja është shumë e lirë!
Atë mundet ta posedon çdokush nga ne, pasaniku dhe fukaraja, mbreti dhe
ministri, mirëpo, Xheneti është i shtrenjtë, nëse nuk mundesh ta
posedosh me veprat e tua të mira, nuk mundesh ta posedosh me pasurinë
dhe arin tënd!
6. Çdo gjë që e njeh nuk do të thotë se të qetëson zemrën, disa gjëra janë më të bukura nëse mbeten të panjohura!
7. Shpirtrat më të shtrenjtë janë ato që e përjetuan dhembjen dhe mundohen që të tjerët mos ta shijojnë shijen e saj!
8. Rrëfehet se brengën e pastron loti, dhe zemrën e ringjall sexhdeja, dhe ëndrrën e realizon lutja!
“Jeta me Allahun me të vërtetë ka shije tjetër!!”.
Nga arabishtja: Irfan JAHIU

Dy gjëra

1. Dy gjëra nuk vazhdojnë përgjithmon te njeriu: rinia dhe fuqia e tij;
2. Dy gjëra i bëjnë dobi secilit njeri: sjellja e mirë dhe toleranca;
3. Dy gjëra e ngrisin pozitën e secilit njeri: modestia dhe kryerja e nevojave të njerëzve;
4. Dy gjëra të mbrojnë nga belatë: sadakaja dhe kujdesi për farefisin.